TOIMINTA

Lasten ja nuoritten

toimintaa koko

Tornionlaaksossa

Sie joka olet pedagoogi koulussa eli daagiksessa, tiäks ette met saatama yhessä tehä teatteria?

Met tulema mielelhään sinun koulule ja suunittelema yhessä sinun kans, aatoksesta valhmiisheen esityksheen.

  Tornionlaakson teatterissa (ToTe) oon kaks teatteriohjaajaa, jokka kokopäivä­työnä tekevä teatteriprujektia monissa Tornionlaakson kouluissa ja esikouluissa. Se oon melkein aina ilhmaista kouluile, ette ei muuta ko soita meile, niin pääsemä alkhuun!

Mervi Jaako 070-666 22 20

Ros-Mari Barmosse 070-687 83 28

Meilä oon Tornionlaakson teatterissa iso vaatevarasto, valolaitheet ja muuta joita koulut kohta aina saava käyttää ilhmaiseksi.

Meän teatterin näytelmissä meän oma kieili, meänkieli, oon taitheelisesti tärkeä.

Joskus tehemä yhtheistyötä jossa oon proffsia ja amatööriä, niinku silloin ko tehimä meänkieliesen värsuunin tästä:

Strinbergin Hemsöborna/ Kotirannan väki

Eli niinku Laestadius-uupperassa.

Joskus oon vain amatööriä ja joskus harvoin vain proffsia, niinku tässä:

Vale tappaa siulun/Regnblommorna är vackra i år, jonka SVT lähätti syksylä 2007 eli Missikaali Kissat/Missikalen Kissat, Helppaa eli Mistä sie uneksit?/Vad drömde du om?

Mutta met saatama kans auttaa muula mallin jos Sie halvaat/Tet halvaatta panna käynthiin teatteriprujektin. Se saattaa olla ette met annama neuoja, autama rakentam­haan prujektin, lainaama laitheita eli vaatheita. Ota yhtheys teatterijohtajan kans, Ulf Fembro tel 0978-102 99, 070-248 52 70